Cancelada na Pobra a Feira do Nadal

Consistorio A Pobra do Caramiñal Nadal 2020

O Concello da Pobra do Caramiñal informou de que a Feira do Nadal, que se ía desenvolver entre este mércores 23 e o 27 de decembro na praza Alcalde Segundo Durán (praza Maior), cancélase “debido á evolución do coronavirus en Galicia e ao peche perimetral de tres dos concellos da comarca do Barbanza”.

O Concello engade que “a pesar de que a cifra de casos na Pobra, a día de hoxe, é de 11”, preténdese “evitar que o municipio se converta nun atractivo” por estas datas, aínda que a dita actividade se ía desenvolver seguindo tódalas medidas implantadas por mor da COVID-19, con circuítos de entrada e saída, así como zonas de desinfección.