O Concello da Pobra do Caramiñal informa de que, a partir de mañá, 10 de xuño, estará dispoñíbel na sede electrónica municipal a lista definitiva de persoas admitidas no programa de conciliación Móvete! 2026, unha iniciativa promovida pola Concellaría de Igualdade, dirixida por Estefanía Ramos.
O obradoiro desenvolverase nas instalacións do CEP Salustiano Rey Eiras desde o 22 de xuño ata o inicio do curso escolar 8 de xuño (ambos incluídos), en horario de 09.00 a 14.00 horas, os días laborais de luns a venres.
O programa está destinado a nenos e nenas de entre 3 e 12 anos, nacidos entre os anos 2014 e 2022, e inclúe os servizos de madruga e comedor para as familias que os solicitaron.
A concelleira de Igualdade, Estefanía Ramos, destaca a importancia desta iniciativa para facilitar a conciliación das familias durante os meses de verán, ao tempo que ofrece á infancia un espazo seguro para o lecer, a convivencia e a participación.
Para máis información, as persoas interesadas poden contactar co departamento de igualdade a través do teléfono 981 83 27 64 (ext. 6) ou do correo electrónico igualdade@apobra.gal.
