O pasado 19 de decembro celebrouse no Auditorio de Rianxo a gala de entrega de galardóns dos Premios Barbantia 2020, entregados pola asociación comarcal do mesmo nome en colaboración con La Voz de Galicia, a Deputación da Coruña e o Concello de Rianxo. Os galardoados no acto, unha cita na que se adoptaron estritas medidas de seguridade sanitaria e restricións de aforamento, foron finalmente Esther Carrodeguas (Premio Barbantia á traxectoria cultural O Barbanza), a Asociación Cultural Terra de Outes (Premio Barbantia á iniciativa cultural no Barbanza 2020) e Clodio González Pérez (Premio Barbantia da cultura galega 2020).
Participaron no acto, entre outros persoeiros da cultura e do ámbito político, os alcaldes de Rianxo e Noia, Adolfo Muíños e Santiago Freire, o secretario xeral de Política Lingüística, Valentín García, a deputada provincial Sandra González, ou o presidente de Barbantia, Manuel Cartea.
Por certo que a Asociación Barbantia puxo en Youtube un vídeo da entrega de galardóns.
