A atleta ribeirense Ana Peleteiro e o presentador Xosé Ramón Gayoso serán os protagonistas do programa especial das badaladas de fin de ano que a Televisión de Galicia prepara para a noite do 31 de decembro.
Diso informou a CRTVG nun comunicado, no que destaca que as doce badaladas que anuncian o Ano Novo seguiranse en directo desde a Praza do Obradoiro, en Santiago de Compostela.
Ana Peleteiro, actual campioa de Europa de triplo salto en pista cuberta e unha das grandes figuras do deporte galego, prepara a súa participación nos Xogos Olímpicos de Toquio.
Segundo indicou a CRTVG, a atleta mostrou a súa ilusión por poder compartir esta cita na Televisión de Galicia con Xosé Ramón Gayoso especialmente nun ano “tan complicado para todos”.
