A Escola de Música de Rianxo compartiu con nós o seu completo programa de actividades para estas festas vindeiras, un Festival de Nadal 2020 que inclúe unha vintena de actuacións musicais controladas e seguras e que servirán, por unha banda, para achegar un importante gran de area en materia de animación cultural (nestes tempos adversos nos que se fai máis necesaria ca nunca esa animación) e, pola outra, para mostrar o importante talento do seu alumnado e do seu profesorado. Poderemos velas en streaming, a través do Youtube da Escola de Música.
Cada unha das actividades correspóndese coas diferentes aulas coas que conta o centro docente.
O programa comeza este sábado 19, coa Aula de Frauta, e prosegue o domingo 20 coa Aula de Óboe, o 21 coa Aula de Fagot, o o 22 coa de Clarinete, 23 de decembro coa Aula de Saxofón, o xoves 24 coa Aula de Trompa, o 25 coa Aula de Trompeta, o 26 coa de Trombón, o 27 coa Sección da Banda da EMR, o 28 coa Aula de Bombardino e tuba, o 29 coa Aula de Percusión, o 30 coa de Piano (Alfredo), o 31 coa de Piano (Alejandro), o venres 1 de xaneiro coa de Violín, o 2 de xaneiro coa de Violoncello, o 3 de xaneiro coa de Contrabaixo, o 4 coa de Trombón Moderno, o 5 coa Aula de Canto e Guitarra e o 6 coa Aula de Música e Movemento.
O Festival de Nadal vén coa colaboración do Concello de Rianxo, a Deputación da Coruña e a Consellería de Cultura.
