782 dispositivos de seguridade de Noiteboa alcanzaron a 4.006 persoas e 3.394 vehículos


O delegado do Goberno en Galicia, Javier Losada, informou de que os 782 controis realizados en Noiteboa alcanzaron a 4.006 persoas e 3.394 vehículos. A Garda Civil e a Policía Nacional sumaron 170 propostas de sanción, menos dun 5% do total.
A xornada tivo 1.792 persoas identificadas por parte da Policía Nacional e
2.124 pola Garda Civil. En canto a vehículos, a Policía controlou 1.180,
mentres que o Instituto Armado fixo o mesmo con 2.214.
En total, entre Garda Civil e Policía Nacional realizaron 782 dispositivos
de seguridade. Houbo 64 propostas de sanción da Policía e 106 da
Garda Civil.
Javier Losada volveu a agradecer o alto grao de cumprimento e a
responsabilidade mostrada polas galegas e os galegos, pois as propostas de sanción representan menos dun 5% do total. Nese sentido, volveu a facer un chamamento para que a actitude da poboación continúe como ata o de agora, con especial coidado nuns momentos de reunións familiares nos que a pandemia da COVID-19 constitúe un importante risco.
O delegado do Goberno subliñou que é necesario actuar con cautela e seguir as indicacións facilitadas polas Forzas e Corpos de Seguridade do Estado. Na actualidade, estas reforzan a vixilancia en áreas de aglomeración de persoas, así como en zonas de lecer e restauración.
Javier Losada lembrou que tanto a Policía Nacional como a Garda Civil
traballan para garantir o cumprimento das restricións impostas pola Xunta.
Incidiu na máxima colaboración que presta a Delegación do Goberno á Administración autonómica, plasmada esta semana na reunión de coordinación co presidente, Alberto Núñez Feijóo.