Hai algúns anos, a Asemblea Xeral das Nacións Unidas proclamou o día mundial da Xustiza Social ao obxecto de lembrar que era necesario manter e protexer os dereitos dos sectores máis desfavorecidos da sociedade. Neses mesmos momentos a Organización Internacional do Traballo lanzou unha pregunta para o debate; “A crise: ameaza ou é unha oportunidade para a Xustiza Social?. Moitos pensamos que as crises son unha oportunidade de futuro, a pesar da gravidade da actual crise sanitaria, social e económica que non ten precedentes no noso país que chegou a destruír máis emprego, así como nas principais economías europeas e mundiais. Para iso sería necesario un cambio de mentalidades para evitar que siga crecendo o desemprego, a inseguridade, a miseria económica e a desigualdade social. Desde logo algo haberá que facer porque non é de recibo que uno de cada tres novos españois non chegaron a traballar nunca por non atopar un posto de traballo (nin precario nin digno), a pesar de ser a xeración mellor preparada de toda a historia do noso país. Nestas próximas décadas a solidariedade ten que facer gala no mundo laboral e os que temos a sorte de traballar debemos ser conscientes da angustia que sofren eses millóns de parados para deixar de lado os nosos “privilexios” e deixar de seguir blindando certos contratos de traballo á conta dos que simplemente buscan exercer un dereito constitucional, laboral e humano como é o dereito ao traballo.
