A Policía Autonómica realizou 18 operativos na provincia da Coruña, esta fin de semana que vimos de deixar atrás, dirixidos a controlar o cumprimento das medidas anti-COVID entre a cidadanía. Os dispositivos leváronse a cabo nas contornas de Noia, Santiago, Ames e A Coruña. Ao abeiro destes controis, os axentes realizaron 35 inspeccións, que deron como resultado a identificación de 25 persoas e a tramitación de 12 actas de infracción.
En base a este Plan, a Policía Autonómica destinou efectivos entre o 13 ao 15 de novembro a controlar que se están a cumprir as medidas vixentes para frear a expansión do virus.
No conxunto da xeografía galega, os axentes actuaron nun total de 23 concellos, nos que que se fixeron 121 inspeccións, con máis de 600 persoas identificadas e 28 denuncias tramitadas.
Durante os operativos, os axentes controlaron que nos establecementos abertos ao público, terrazas e espectáculos públicos se estaban a cumprir as medidas aprobadas polas autoridades sanitarias para facer fronte á COVID-19, como o uso obrigatorio de máscara, o cumprimento da distancia de seguridade, así como o aforo e o horario de peche dos locais e a prevención do botellón.