O Concello de Porto do Son, a través da Concellería de Benestar Social e en colaboración con Misela (Asociación de Persoas con Discapacidade das Comarcas de Noia e Muros), organiza o día 18 de novembro ás 16.00 horas un curso de catro horas sobre deporte adaptado á discapacidade. A actividade formativa, que é de balde e vén con prazas limitadas, desenvolverase na Casa da Cultura do Son. As persoas interesadas en participar poden formalizar a súa inscrición até o 12 de novembro a través da conta de correo jose.pazo@portodoson.gal.
Os contidos do curso artellaranse en tres bloques básicos: o deporte como dereito para todas e todos (definición e historia do deporte adaptado, resumo de prácticas adaptadas, etc), o deporte e a discapacidade (tipos de deporte para persoas con diversidades funcionais: escolar, recreativo, terapéutico, competitivo) e o deporte como favorecedor da autonomía e da calidade de vida (inclusión social, casos prácticos, vídeos reais sobre deportivas con diversidades funcionais).
