O Noia Portus Apostoli xa coñece ó que será o seu rival na cuarta rolda da Copa de España, O Parrulo Ferrol. O cadro dirixido por Marlon Velasco terá en fronte a un rival de entidade que compite na Primeira División.
A eliminatoria de dezaseisavos será disputada a partido único, no Augustín Mourís. Unha situación que iguala as condicións para facerse co pase a seguinte fase. Ambos equipos xa se enfrontaron en anteriores ocasións na Copa do Rei, a última a tempada pasada, que se saldou coa vitoria dos ferroláns por 2-4. O último antecedente entre os dous conxuntos foi nun partido amigable o pasado mes de setembro, que se resolveu co triunfo dos noieses por 1-3.
O partido xogarase no Augustín Mourís o próximo 24 ou 25 de novembro, data aínda por resolver. Pola súa parte, o Noia Portus Apostoli espera un gran ambiente para recibir ó Parrulo nun partido que será decisivo para as aspiracións de ambos cadros na Copa do Rei.
