Seis centros escolares incrementan a 16 os que contan con positivos da COVID-19 na comarca. Os colexios son de oito concellos e arroxan 25 casos de coronavirus dez máis que no comunicado anterior.
Segundo a Consellería de Sanidade os centros que se incorporaron hoxe á listaxe son o colexio Rodríguez Cadarso de Noia con dous positivos, con un caso están o instituto Poeta Añón de Outes, o Santa Irene de Porto do Son, o Heroínas de Sálvora de Aguiño, o Galaxia de Ribeira e o colexio Castelao de Rianxo.
O centro con máis positivos neste momento é o colexio Cernadas de Castro de Lousame, con catro afectados diagnosticados; seguido do instituto Campo de San Alberto de Noia con tres ao confirmarse un novo positivo e o IES A Cachada de Boiro, con outros tres.
Completan a lista con covid-19 cun caso o colexio de Cespón, Ramón de Artaza , o instituto de Porto do Son, o IES Félix Muriel de Rianxo, o Bayón de Ribeira e o instituto Leliadoura.