AMBAR celebrará a Semana da Diversidade cunha serie de coloquios en liña

27 Novembro 2020

Este mes de decembro, con motivo do Día da Diversidade Funcional (o día 3), a asociación barbancesa AMBAR levará a cabo unha xornada de coloquios online a través da plataforma Zoom. Os membros e profesionais da agrupación pretenden “reivindicar” coas actividades da Semana da Diversidade (do 3 ao 10 de decembro) a importancia que ten a inclusión social e o empoderamento das persoas con diversidade funcional a través da arte, da educación e do emprego.

En total realizaranse tres charlas, a celebrar nas xornadas do 3, o 9 e o 10. Arte e empoderamento con Patricia Amil (responsable da área didáctica de arte da Fundación María José Jove) e Adriana Pazos (xestora cultural) será a primeira conversa en efectuarse. Neste caso, o día 3 de decembro de 12:00 a 12:45 horas. Doutra banda, o 9 de decembro ás 17:00 horas, Alba Pérez (mestra, psicopedagoga e terapeuta de atención temperá) e María Luisa Fernández (autora do libro La Mirada del Ángel), darán a charla Un Café sobre Educación Inclusiva. Do mesmo xeito, Daniel Tojo (orientador laboral da asociación), realizará o 10 de decembro das 16:00 ás 16:45, unha conferencia sobre o Emprego e a Diversidade Funcional.

Todas as persoas que queiran participar nesta iniciativa, pódense escribir de forma gratuíta na ligazón específica habilitada por AMBAR.

Outros artigos

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...

+

Publicidade

Revista en papel

Opinión