Toxo Telecom, a operadora galega de telecomunicacións (con servizos de móbil, TV, fibra e telefonía fixa) celebrou este mes de novembro un importante fito na súa andaina no mercado, que comezou hai xa dous anos. En concreto, a empresa de Ribeira conmemora ter chegado á cifra dos 2.000 integrantes (chorimas) da súa comunidade de usuarios, que non parou de medrar dende a posta en marcha da iniciativa.
O devandito fito en materia de clientes, repartidos por Galicia, España e Europa, foi recibido con palabras de agradecemento polo equipo da operadora: “Despois de anos no mercado é todo un orgullo ver ata onde imos chegando, e todo grazas ás persoas que cada día confían en nós para dar servizo ós seus fogares ou ás súas empresas”.
A maiores, a empresa celebrou o achegamento do segundo aniversario con varias novidades de servizo para usuarios. Este mes de outubro, sen ir máis lonxe, lanzou unha oferta de 60GB de datos e chamadas ilimitadas a 29,95 euros ao mes. A promoción, que se acompaña do lema Máxima velocidade e para sempre, está dispoñíbel na web de Toxo e ou a través do teléfono 602 247 247, como tamén está dispoñíbel a través destas canles a nova liña de mercado da operadora: a venda de terminais. Por exemplo o Realme 6/Pro, en palabras da firma “un dos móbiles máis completos do mercado”, e que distribúe Toxo aos seus clientes por 10,90 euros ao mes.