O préstamo de ebooks nas bibliotecas triplicou a cifra de usuarios pola COVID

26 Outubro 2020
Hands holding ebook on bookshelf background.Copy space on digital tablet display

As nosas bibliotecas celebraron este 24 de outubro o Día da Biblioteca, unha celebración que de xeito xenérico enxalza os beneficios da lectura e que, nun plano específico, conmemorou este ano o importante papel que xogan a cultura, o lecer, o coñecemento e as propias bibliotecas en tempos tan adversos como estes nos que estamos mergullados. Entre as celebracións incluídas este ano incluíuse unha reivindicación dos recursos electrónicos destinados a aproximarnos aos libros, entre os que salienta especialmente GaliciaLe, a plataforma de préstamo dixital da Xunta de Galicia, que, segundo puidemos saber, triplicou o número de usuarios desde o inicio da pandemia.

Segundo explicou o Goberno galego, dende que se decidiu facilitar as condicións de acceso por mor das restricións do confinamento, empregaron este portal preto de 24.000 persoas, das cales case 9.000 foron novos usuarios. “Trátase”, sinala a Xunta, “dunha cifra que triplica a rexistrada en todo o pasado ano, no que o número de usuarios activos eran 7.300”.

Aos devanditos datos engádese o feito de que dende o mes de marzo tamén se incrementara a cifra de préstamos nun 20% ata case 68.000 exemplares, ao que se suma un notábel medre no número de persoas que fixeron uso do catálogo en galego (os usuarios na nosa lingua arestora son máis do dobre cós do ano pasado). Segundo explicou a Xunta, este crecemento en todos os indicadores fixo que se aplicaron unha serie de melloras no servizo, como reforzar o número de licenzas, incorporar novos títulos, manter máis actualizada a plataforma ou incrementar e repoñer as licenzas das obras máis demandadas para acortar os tempos de espera.

Amais, co fin de afondar no apoio aos sectores culturais, a Xunta decidiu incrementar este ano nun 54% as axudas para a adquisición de novidades editoriais en galego e para mellorar as coleccións bibliográficas das bibliotecas e axencias públicas de lectura integradas na Rede de Bibliotecas de Galicia. En total, o Goberno autonómico inviste 800.000 euros e benefícianse preto de 200 concellos. O Diario Oficial de Galicia vén de publicar a relación de concellos que se beneficiaron da convocatoria extraordinaria de subvencións, dotada de 300.000 euros, para este fin como parte dos compromisos do Plan de Reactivación do sector cultural para reforzar o apoio ao sector editorial galego. Súmase á convocatoria ordinaria de 550.000 euros xa resolta.

Outros artigos

Xoves regresa o sol e sobe a temperatura

Galicia irá quedando durante o xoves baixo influencia anticiclónica. Con esta situación, agárdanse bancos de néboa matinais en zonas de interior, que darán paso a ceos con poucas nubes en xeral. As temperaturas mínimas terán un lixeiro descenso, mentres que as máximas...

+

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...

+

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...