O Concello de Dodro vai celebrar este sábado 3 de outubro o décimo aniversario do Polideportivo de Dodro cun certame musical que regresa, tamén, para contrarrestar a adversidade destes tempos: o certame Festivalo, recuperado polo actual equipo de Goberno. Contarase coa presenza do dúo Monoulius Dop, que presenta o traballo Black Aibum, e tamén do cantante local Secho, que fará a introdución e presentación do Festivalo.
Segundo informa o Concello o evento é un festival de música que se realizaba na aldea de Manselle promovido, organizado e desenvolvido polos propios veciños, coincidindo coas festas locais e que nas diversas edicións contou ca presenza de Nao, Medomedá, Quenpallou, Ataque Escampe, Labregos no Tempo dos Sputniks, A Banda de Balbina, Sacha na Horta ou O Leo, e sempre contando con artistas locais como o mencionado Secho ou, tamén, Intercoles.
O evento será como dixemos este sábado 3 de outubro, a partir das 20.00 horas, no Pavillón Municipal.
