Dúas novas mortes con covid-19 confirmadas en hospitais galegos este domingo elevaron o cómputo de vítimas da pandemia en Galicia a un total de 757. Son dúas mulleres de 96 e 90 anos idade que permenacían ingresadas no Complexo Hospitalario Universitario de Ourense ( CHUO).
O SERGAS informa que se rexistraron 217 novos positivos nas últimas 24 horas.
Na área Sanitaria Santiago-Barbanza este domingo, 4 de outubro rexistranse 530 casos activos. Hospitalizados hai 31 pacientees ( Hospital Clínico de Santiago: 6 deles en Unidades de Críticos). Os pacientes curados elevanse a 3.280 e os PCR realizadas 77.739
A morte da muller, que presentaba patoloxías previas, súmase a outros tres decesos confirmados en hospitais galegos dos que informou a Consellería de Sanidade na tarde do sábado. Trátase de tres homes de 93, 89 e 87 anos que estaban ingresados no Hospital de Lugo, no Complexo Hospitalario de Ourense e no Complexo Hospitalario de Santiago, respectivamente. Todos eles presentaban patoloxías previas.
Así as cousas, segundo a última actualización de Sanidade ofrecida na mañá deste domingo, Galicia detectou 217 novos positivos, un máis que os identificados a xornada anterior.
Deste xeito, o número de casos activos na comunidade sitúase en 4.038 (54 menos que o sábado) despois de que 267 persoas recibisen o alta e deixasen de computar como pacientes afectados por covid.
Os casos activos baixan en todas as áreas sanitarias coa excepción de Ourense, que ten 55 casos activos máis que o sábado ao alcanzar os 946.
No resto, descenden o número de persoas diagnosticadas con covid, especialmente nas áreas de Pontevedra (33 menos ata os 689) e na Coruña (819, 29 menos que 24 horas antes). Santiago ten 530 (17 menos), Vigo conta con 445 (15 menos) e en Ferrol hai 116 (5 menos).
Así mesmo, ata a data, a Comunidade galega realizou 504.922 PCR fronte ás 499.201 que contabilizaba este venres, o que implica que en 24 horas fixéronse 5.721 probas.
