En Ribeira unha persoa detida por delito contra a seguridade viaria e desobediencia

A Policía Local informa de que un veciño do municipio de 41 anos resultou detido na noite pasada e acusado dun deito contra a seguridade viaria e outra de desobediencia á autoridade. Durante a detención ofreceu moita
resistencia e mesmo resultou levemente lesionada unha axente.
O desenvolvemento dos feitos tivo lugar a partir das 23.20 horas cando, estando unha dotación da Policía Local, á altura de Castiñeiras na estrada provincial observan un vehículo marca Audi A3 emprender a marcha sen luces cara Aguiño e que unha vez incorporado á vía case colisiona con outro vehículo que ía na mesma dirección, o cal tivo que frear bruscamente. En vista disto, a patrulla acendeu rotativos e sereas acústicas para darlle o alto, momento no cal o individuo aumenta a velocidade e dáse á fuga sen luces e
evidenciando dificultades para manter o coche no seu carril.
Á altura do número 41 da rúa Curros Enríquez aparece un vehículo de fronte que lle impide a aquel continuar coa súa fuxida xa que a vía é estreita e había vehículos estacionados nunha das marxes, co cal a
dotación policial corta o paso pola parte traseira e pídelle ao condutor
que apague o motor, poña as mans á vista e permaneza no interior
do seu coche. O condutor baixa do coche e se encara coa axentes,
os cales observan no home un forte olor a alcohol e dificultades para
manter a verticalidade, en vista do cal se lle informa dos dereitos que
lle asisten para a realización da proba de alcolemia, ao cal se nega.
Se lle reitera ata en catro ocasións que no caso de negarse a realizar
a proba incorrerá nun delito de desobediencia. O individuo sigue
negándose e fai caso omiso ás ordes dos axentes en actitude
agresiva e despectiva, en vista do cal a patrulla actuante pide apoio á
Policía Nacional.
Persóanse dúas patrullas nacionais, en cuxa presenza os axentes da
Policía Local volven afirmar que de non someterse á proba de alcolemia incurrirá nunha proba de desobediencia. De repente, o individuo golpea o teito do seu vehículo co seu teléfono móbil e xírase cara os axentes en actitude ameazante, cos brazos levantados, momento no que se procede á súa detención, ofrecendo resistencia ctiva (unha axente resulta lesionada nunha man), razón pola cal é proxectado cara o chan, onde con dificultade é engrilletado e introducido no vehículo policial.
Durante o traslado golpea constantemente coa súa cabeza na mampara de seguridade e dá patadas contra á mesma, insultado e gritando de forma moi agresiva. Unha vez nas dependencias policiais houbo que avisar a unha ambulancia para que o individuo fose asistido debido á súa agresividade e para evitar que se seguise autolesionando nos calabozos.