Tres novos falecementos, dous deles asociados a residencias, elevan a 779 as vítimas en Galicia. Os máis de 400 positivos comunicados supoñen a peor cifra desde o 2 de abril e desta segunda onda do covid-19.
Na Área sanitaria Santiago-Barbanza rexistra este venres 552 casos activos, sete máis que onte.
Hai 31 hospitalizados no Hospital Clínico de Santiago, cinco novos casos (6 deles en Unidades de Críticos). Os pacientes curados suben a 3.465 e as PCR realizadas 83.520. Na comarca Muros xunto a Boiro e Rianxo pasa a nivel 1, Ribeira está en nivel dous nos casos positivos de PCR.
En Galicia a Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 4.264, deles 757 son da área da Coruña, 494 da de Lugo, 1.351 da de Ourense, 573 da de Pontevedra, 433 da área de Vigo, 552 da de Santiago, e 104 da de Ferrol.Do total de pacientes positivos, 38 están en UCI, 187 en unidades de hospitalización e 4.039 no domicilio. Polo de agora, en Galicia hai un total de 21.106 persoas curadas, rexistrándose 779 falecementos. O número de PCR realizadas é de 537.192.
