A coordinadora CEMMA celebra este mércores 21 o Día da Balea

21 Outubro 2020
Albiscamento de baleas na nosa costa nunha imaxe de Pablo Covelo_CEMMA

Este 21 de outubro celébrase o Dia da Balea, conmemorando unha data moi significativa para o pobo galego: o día (unha xornada coma a de hoxe, de outubro de 1985) en que dimos caza ao derradeiro gran cetáceo en Galicia. Unha data que, segundo nos recorda a Coordinadora para o Estudo de Mamíferos Mariños (CEMMA), marcou un fito ao rematar na nosa costa cunha actividade que en diferentes fases seguiu viva dende a Idade Media, tal e como testemuñan todo tipo de documentos e narracións orais, os emblemas dalgún dos nosos concellos (como o de Caión) ou os nomes dalgunhas praias e calas (por exemplo Balieiros en Corrubedo).

O CEMMA, en homenaxe ás baleas e como tributo aos longos séculos de sufrimento e sacrificio, vén celebrando dende hai uns anos a data do 21 de outubro, “como día senlleiro en que o pobo galego acadou a paz con estes mamíferos mariños”, poñendo o punto e final ás factorías baleeiras e á actividade de caza mariña no sur de Europa. Entre as actividades previstas para conmemorar a xornada a coordinadora incluíu un foro debate co doutor e investigador Alex Aguilar, presentado polo biólogo e presidente de CEMMA, José A. Martínez Cedeira. Poderemos asistir á actividade virtualmente a través de Jitsi, poñendo como clave de acceso a palabra AGUILAR.

O tema da conferencia xirará arredor da Alimentación das baleas e as súas relaciones de competencia. Segundo explica a coordinadora, é un tema de interese debido aos frecuentes albiscamentos de baleas que se están a rexistrar na nosa costa. Así o constataron esta mesma fin de semana durante o embarque participativo da CEMMA, na que puideron ser observados varios exemplares entre elas unha balea azul. Nesta tempada téñense albiscado exemplares de balea común, azul, boreal e alibranca

Dr. Alex Aguilar

O doutor Alex Aguilar é catedrático do Departamento de Bioloxía Evolutiva, Ecoloxía e Ciencias Ambientais e xefe do Grupo de Investigación de Grandes Vertebrados Mariños da Universidade de Barcelona. Autor dun grande número de artigos e publicacións científicas, membro dos comités científicos da Comisión Internacional da Baleeira (IWC) e da Unión Internacional para a Conservación da Natureza (IUCN).

Traballou de biólogo nas factorías baleeiras nos anos 80 resultado do cal publicou o libro CHIMÁN, a día de hoxe a recompilación máis completa sorbe a caza de baleas na Península Ibérica.

Outros artigos

“Sete anos non son nada?”. Antón Luaces

Na mencida do 24 de abril de 2017, tres mariñeiros de Poio perderon a vida nun accidente protagonizado pola embarcación de baixura Nuevo Marco. Foi na ría de Pontevedra, e sete anos máis tarde -coma se ocorrese onte- a Xunta informa que comeza a adopción de medidas...

+

Publicidade

Revista en papel

Opinión

“Hay jueces que hacen política”. Manuel Velo

“Hay jueces que hacen política”. Manuel Velo

Hay jueces y líderes del PP que al unísono acusan al legislativo y al gobierno de que no respetan la separación de poderes cuando ellos son los primeros en no hacerlo. La separación de poderes exige lo siguiente. El poder emana de la soberanía del pueblo eligiendo al...

“O virus da indiferenza” – José Manuel Pena

“O virus da indiferenza” – José Manuel Pena

En demasiadas ocasións coméntase que o gobernante e políticos non viven a realidade da rúa e están entre as moquetas dos seus despachos oficiais. Pode ser verdade, pero o peor é que unha gran parte da sociedade civil tamén está allea a esa realidade. Á realidade sobre...