“Unha festividade do Nazareno certamente distinta esta do mal ano 2020”. Por Antonio González Millán

20 Setembro 2020
Antonio González Millán

Un novo colaborador incorporase as sinaturas dos nosos articulistas en” O Barbanza”. Hoxe contamos co texto de Antonio González Millán, historiador, director do Museo Valle-Inclán de A Pobra, e redactor do expediente para a declaración do Nazareno – As mortallas como festa de interese turistico de Galicia en 2000. Para nos un luxo contar coa súa colaboración.

———–

Unha festividade do Nazareno certamente distinta esta do mal ano 2020. Impresiona descubrir que o silencio é a outra cara do son. Silencio absoluto, enrarecido, espectante, dramático o dunha contorna monumental como este de O Castelo, na Pobra do Caramiñal, e os rostros medorentos duns poucos devoios firmes no seu crer ou no seu desexo intimo de sandar corpo e ánimo. Todo nos revela o berro da historia vivida e da tradición con máis de 500 anos que, como a humanidade, resistense a ese esquecemento que só traerá a morte.

Ideas e ritos que resistiron ao paso do tempo e ás arbitrariedades do home. Por iso son símbolo. Son parte identitaria nosa. Da Galicia eterna.

A PROCESIÓN DAS MORTALLAS ofrecidas en promesa a este Cristo con notable fama de taumatúrxico era (é) celebración tan dramática como excepcional polo desfilar de cadaleitos e o vestir de hábitos morados ofrecidos ex-voto por quen sinte rexurdido ou por quen fai votos de selo. NON SE INTERROMPEU. Aínda que por obvias razóns de seguridade e por prevencións sanitarias –aquí si respectadas– foi recollida, simplificada e breve.

Unha celebración ritual que pola súa propia natureza é manifestación de carácter único solemne, enfático e unha singularidade cultual… cultural… antropolóxica.. e festiva excepcional de Galicia… Adquiría este 2020 un descoñecido ton e outro protagonismo: a habitual multitude de miles e miles de persoas deixou paso á prudencia e, como debeu de ser nas súas origenes, a imaxe catalizadora dunha sanadora latria popular, desexos, súplicas, inquietudes, medos, esperanzas, ilusións, promesas e agradecementos desfilou solitaria.

Aquela que soubo de ciclos de ameazantes pestes e fames negras, de epidemias duras como o cólera, tifus, tuberculose, sida, sobrevivirá ao coronavirus actual.

(Fotos de Desde Pobra)

Outros artigos

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

+

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...

+

El voto del BNG avala a Maduro”. José Castro López

El pasado día 17 el presidente venezolano, Nicolás Maduro, fue proclamado candidatodel chavismo para las elecciones de julio. Tres días después la Alta Comisionada de lasNaciones Unidas para los Derechos Humanos pedía un proceso electoral “transparente,inclusivo y...

+

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...