A cantante galega Sés estará este mes de setembro en Boiro ao abeiro da programación do Verán Cultural do Concello e da axenda da Secretaría Xeral de Política Lingüística. En concreto, recalará na praza do Centro Social o día 12 de setembro: unha cita enmarcada na súa xira Liberar as Arterias. O concerto será un concerto en formato pequeno e adaptado á complexa realidade sanitaria. De feito, virá con formato de actuación a duo e será obxecto dos máis estritos protocolos de seguridade (obrigatoriedade de máscara, distanciamento, aforo limitado, etc).
Será ás 21.00 horas na praza detrás do Cento Social, unha actividade dentro dun programa de dinamización lingüística da Secretaría Xeral de Política Lingüística. O concerto é de balde pero as prazas son limitadas. A reserva de entradas pode facerse no enderezo electrónico reservacultura@boiro.gal.
