Música, cultura urbana e contos enchen a terceira semana de setembro en Boiro

14 Setembro 2020

M-Clan actuarán en Boiro da man da Pousada da Galiza Imaxinaria e o Concello

O verán encara a súa recta final pero a axenda cultural boirense chega a un dos seus puntos culminantes, con actividades tan importantes como unha cita arredor dos contos con Magín Blanco, unha das máis salientábeis figuras da música en galego para crianzas, ou o encontro do día 19 cunha das bandas de rock máis destacadas do panorama español das últimas décadas: M-Clan.

A axenda desta terceira semana de setembro comeza este xoves 17, cunha sesión de contacontos con Raquel Queizás, ás 20.00 horas no Centro Social de Escarabote. A contadora e escritora ofrecerá o espectáculo Cinema Marabillas, unha actividade para o fomento da lectura e para estimular a creatividade e os talentos da rapazada. Insírese no programa Ler Conta Moito e na programación do Verán Cultural do Concello. As prazas son limitadas e reservaranse a través do correo reservacultura@boiro.gal.

O venres 18 os protagonistas son os obradoiros de DJ e de freestyle football, que se celebran na Boqueira de A Negral a partir das 18.00 horas (sempre e cando non haxa choiva) e que teñen o obxectivo de estimular a creatividade e a participación das novas xeracións en diferentes expresións artísticas da cultura urbana. Insírese na programación do Festival de Arte Urbana de Boiro. As prazas son limitadas e a inscrición hai que facela no enderezo educacion@boiro.gal.

O mesmo día, venres 18, as familias teñen unha cita ineludíbel con Magín Blanco na Casa da Cultura de Boiro, onde o músico e contador ourensán achegará unha sesión de contacontos a partir das 20.00 horas. Trátase do espectáculo O que levamos nas maletas. As prazas son novamente limitadas. As inscricións hai que facelas no enderezo electrónico reservacultura@boiro.gal ou no teléfono 981 84 84 25.

Ao día seguinte, no Centro Social de Abanqueiro, a cultura e a música tradicional galega será o fío temático da Xilbarbeira con Paideia, unha actividade formativa e divulgativa a cargo do colectivo local Xilbarbeira e que incluirá unha clase maxistral e un concerto de Ailá da man da Fundación Paideia.

O sábado 19 de setembro o Concello de Boiro e A Pousada da Galiza Imaxinaria organizan un concreto cunha das máis representativas bandas do rock estatal: M-Clan. O concerto está previsto para as 20.00 horas, na praza da Boqueira da Negral. As entradas están á venda na tenda Baldani ou online a través da web da Pousada.

Outros artigos

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...

“Transcendencia”. Xulio Xiz

“Transcendencia”. Xulio Xiz

Hai uns días, pasando ao lado do edificio da Subdelegación do Goberno, escoitei a voz de Alberto Cortez, procedente dunha fiestra veciña, cantando “El abuelo”. A canción fíxome pensar nas raíces galegas do cantante arxentino, na influencia dos galegos na conformación...