A conselleira de Medio Ambiente, Territorio e Vivenda, Ángeles Vázquez, reiterou esta tarde que a oposición do Goberno galego ao articulado sobre a duración das condicións en dominio público marítimo-terrestre que recolle o proxecto de Lei de Cambio Climático, que aborda o Goberno do Estado.
Así llo trasladou a conselleira de Medio Ambiente ao secretario de Estado de Medio, Hugo Morán, durante a reunión da Conferencia Sectorial de Medio Ambiente.
Recordou que introducindo articulado sobre a duración das condicións en dominio público marítimo-terrestre a través do proxecto de Lei de Cambio Climático está poñendo en perigo a economía de Galicia, polo que se o Goberno “mantén a tramitación, mantén a incerteza e pon en risco a máis dun cento de empresas”. Advertiu que a normativa estatal provocará erradicar do litoral de Galicia máis de 5.000 construcións, entre as que se atopan más de 100 da cadea mar-industria galega.
Unha situación que o Goberno de Galicia leva denunciando desde hai máis dun ano esta inseguridade xurídica que xera a reforma da normativa, primeiro coa modificación do regulamento de costas e agora co proxecto de Lei estatal de Cambio Climático.
A conselleira de Medio Ambiente lamentou a actitude do Goberno estatal, pois cando parecía que o Estado ía dar marcha atrás -aceptando retirar a modificación do regulamento de Costas-, meses despois retomou o seu obxectivo “ás agachadas” botando man da nova Lei de Cambio Climático, nestes momentos en fase de emendas. Ángeles Vázquez solicitou aos responsables do Ministerio de Transición Ecolóxica a retirada do artigo 18.4 deste proxecto lexislativo, referido á duración das ocupacións da franxa de dominio público.
Durante o encontro dixital tamén se abordou o reparto de fondos que recibirán as rexións para promover actuacións na área de influencia socioeconómica dos parques nacionais. No caso de Galicia, esta contía elévase a case tres millóns de euros para promover accións no conxunto de concellos que integran a área de dinamización do único parque nacional presente na Comunidade, primando o número de hectáreas, como baremo para a distribución dos recursos.
Tendidos eléctricos
Outro dos puntos abordados na reunión foron as axudas para a eliminación dos tendidos eléctricos aéreos, como medida para evitar os accidentes e danos de aves. A conselleira votou en contra da proposta realizada polo Ministerio e reclamou a aplicación doutro baremo distinto á superficie de cada comunidade para realizar os fondos que recolle esta orde de axudas; pois co reparto actual Galicia só recibiría 57.000 euros desta liña de incentivos, e propuxo como posible criterio unha proporción entre os quilómetros de liñas eléctricas de alta tensión perigosas de cada comunidade, respecto do total de quilómetros que hai en España.
