A área sanitaria Santiago- Barbanza rexistra a morte dun home de 81 anos quetiña patoloxías previas. Este é o terceiro falecido por COVID-19 na área sanitaria en menos dunha semana. Os casos activos chegan a 659 con 15 hospitalizados no CHUS e un deles na unidade de críticos. Hai 2.207 pacientes curados e realizaronse 57.725 PCR.
En Galicia a Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 4.364 deles 1.424 son da área da Coruña, 920 da de Lugo, 462 da de Ourense, 379 da de Pontevedra, 344 da área de Vigo, 659 da de Santiago, e 176 da de Ferrol.
Do total de pacientes positivos, 25 están en UCI, 181 en unidades de hospitalización e 4.158 no domicilio. Polo de agora, en Galicia hai un total de 14.158 persoas curadas, rexistrándose 668 falecementos. As dúas últimas persoas falecidas en centros hospitalarios foron dous homes de 81 e 71 anos que estaban ingresados no CHUS e no HULA, respectivamente. Ambos presentaban patoloxías previas. O número de PCR realizadas é de 374.635.
Sanidade establece o uso obrigatorio de máscara nos ximnasios en toda Galicia e eleva do 50% ao 75% os aforos en terrazas naquelas zonas con especiais restricións
