O Concello de Boiro informou este venres 4 de que as entradas para o concerto Sés na localidade o vindeiro 12 de setembro están xa esgotadas. Por motivos de aforo, o concerto decidiu trasladarse á praza da Boqueira de A Negral, no canto da praza do Centro Social de Boiro, onde estaba previsto nun principio, polo que o número de entradas dispoñíbeis ascendeu a 300. Porén, xa están todas reservadas.
O Concello recorda que o acceso para ver a actuación, que debe facerse “seguindo todas as medidas seguridade decretadas para espectáculos e actuacións musicais”, só está permitido para aquelas persoas que teñan feita a reserva.
Sés vai actuar o vindeiro sábado 12 de setembro en Boiro, no marco das actividades do verán cultural que organiza a Concellería de Cultura do Concello de Boiro. O concerto forma parte dun programa de dinamización lingüística da Dirección Xeral de Política Lingüística.
