En Dodro dous novos positivos obrigan a pechar unha unitaria. Illados 13 nenos dunha gardería de Santiago

Dous novos positivos rexistrados nun centro de Dodro e nunha escola infantil municipal de Santiago obrigaron a aplicar o protocolo pola COVID-19.

O primeiro caso refírese a un positivo detectado nun dos escolares, polo que se pechou a escola unitaria do municipio e púxose en illamento aos seus compañeiros. O centro imparte 4º, 5º e 6º de infantil e conta con 15 nenos matriculados.

En Santiago unha nena deu positivo na escola municipal de infantil de Salgueiriños a situación afecta a uns 13 nenos e seis educadoras que foron contactos estreitos da menor.