Educación prepara un plan para garantir o ensino virtual se a crise sanitaria recrúa

14 Setembro 2020

O Goberno galego anunciou estes días o inminente remate dun plan específico para formar ao profesorado en competencias dixitais a través da fórmula do ensino virtual, un plan que achandará o camiño de cara a un posíbel endurecemento das circunstancias derivadas da crise sanitaria. O Plan de Continxencia para o ensino non presencial ou semipresencial, de feito, é en si mesmo un recurso para evitar que o sistema educativo se vexa afectado pola pandemia. Así o fixo saber o conselleiro de Cultura, Educación e Universidade, Román Rodríguez.

Tamén explicou que o plan, no que xa están traballando os técnicos da consellería e expertos docentes na materia, incluirá “medidas dirixidas ao profesorado e ao alumnado, así como información específica para as familias, e protocolos xerais e específicos de actuación dentro do sistema”. Así mesmo abranguerá “un ámbito formativo específico para o profesorado, así como o reforzo de equipamento tecnolóxico para os centros e o alumnado e a implementación de contidos educativos específicos para a aprendizaxe en liña”.

Nas súas palabras, “trátase de poñer a disposición de alumnado e de profesorado todas as ferramentas tecnolóxicas e recursos formativos necesarios para a activación do ensino á distancia, se fora necesario”.

Por outra banda, a Consellería de Cultura, Educación e Universidade vén de habilitar no seu portal web o espazo Volvamos á escola con sentidiño, no que se facilita o acceso a toda a información de interese sobre as medidas da Xunta en relación á adaptación do curso escolar 2020/2021 no contexto da pandemia da COVID-19. A principal novidade neste espazo é a incorporación dunha guía ilustrada que resume o protocolo específico do Goberno galego, con medidas básicas como a realización de test serolóxicos para todos os traballadores do sistema educativo, a designación dun equipo COVID en cada centro, así como a habilitación dun centro de saúde de referencia asignado a cada colexio ou instituto para consultar dúbidas, entre outras.

Outros artigos

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...

+

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...

+

Publicidade

Revista en papel

Opinión

“No cárcere” – Xulio Xiz

“No cárcere” – Xulio Xiz

Como membro dunha sociedade democrática, con poderes básicos, forzas executoras, leis que marcan reglas de xogo, presunta igualdade de oportunidades e plena integración en Europa, calquera de nós corre perigo de pechar os ollos e coidar que vive nun mundo camiño da...