Despois de meses pechados a raíz da presenza da COVID-19, o pasado 4 de setembro botou a andar a escola infantil de Dodro, este día 10 tamén o fixo o último ciclo de infantil no CRA e primaria no CPI Eusebio Lorenzo Baleirón, e o día 16 de setembro farao secundaria.
O Concello de Dodro nos meses de verán acometeu obras nas escolas unitarias de Bexo, Vigo e Chenlo por valor de 64.554,77 euros a cargo do Plan Único de Concellos “ pos+Adicional 1/2019” da Deputación de A Coruña, que consistiron en :
• Escola de Vigo; Illamento exterior de dúas fachadas en mal estado, conversión dos dous aseos existentes nun único adaptado para persoas con mobilidade reducida e substitución de portas de acceso e interiores da planta baixa.
• Escola de Chenlo; Substitución de portas de acceso da planta baixa por unhas novas de aluminio, con rotura de ponte térmica e peche de seguridade.
• Escola de Bexo; Illamento exterior das fachadas, substitución de ventás da planta baixa por unhas de aluminio con rotura de ponte térmica e persiana, eliminación de tabiques na planta superior e colocación de tarima flotante nas dúas plantas.
Tamén se fixo unha labor de acondicionamento dos interiores e entornas das instalacións educativas co persoal municipal, consistente na roza e limpeza, colocación de canastras, redes de porterías, pequenos arranxos en portas, baños …
A nova situación tamén fixo que persoal municipal colaborara no traslado de mobiliario tanto do CRA como do CPI para adaptar as aulas a distancia esixida, ademais de pequenos arranxos e colocación de novo mobiliario.
As recomendacións e esixencias de limpeza e desinfección dos centros educativos por parte das autoridades pertinentes fai que o concello de Dodro teña que facer un gran esforzo para garantir este servizo, con todo, este vai ser cuberto para cumprir cos protocolos deseñados polas direccións dos centros. Con respecto a este asunto o Pleno do concello aprobou na sesión do 12 de agosto “Reclamarlle á Xunta de Galicia que transfira fondos aos concellos para xestionar o aumento de carga de traballo do servizo de limpeza nos centros educativos por mor da pandemia do COVID-19” na liña do reclamado tamén pola FEGAM.
Por último informar que a escolarización no último ciclo de educación infantil, primaria e secundaria nos centros educativos do municipio para este curso 2020/2021 incrementouse en 3 matrículas en relación o curso 2019/2020.
Desde o goberno municipal apela a que entre todos , centros de ensino, familias e administracións, actuando con responsabilidade e cumprindo cos protocolos deseñados polas direccións dos centros e as autoridades sanitarias, seremos capaces de superar este desafío de loita contra a pandemia, e que o curso académico se desenvolva coa maior normalidade
posible.
A Asociación de Veciños de San Xoán de Laíño en Dodro convoca unha mesa redonda (este sábado) sobre a instalación da macrocelulosa da Ulloa
Ante a pretensión da empresa Altri de instalar unha industria de fibra téxtil a base de celulosa e as súas infraestruturas asociadas, a Asociación de Veciños de San Xoán de Laíño (Dodro) convoca unha mesa redonda este sábado 13 para informar dos efectos de dita...