As ANPAs da comarca trasladan ao BNG as súas inquedanzas ante o inicio do curso

09 Setembro 2020

Os parlamentarios do BNG Rosana Pérez e Manuel Lourenzo reuníronse este martes 8 de setembro con Asociacións de Nais e Pais de Alumnado da comarca do Barbanza para dar conta das accións desenvolvidas polo grupo parlamentario nacionalista ao respecto do inicio do curso escolar e das incertezas que xorden deste feito e do incremento diario de casos de contaxio pola COVID.

Segundo lles transmitiu o BNG, a este clima “contribúe o protocolo emitido pola Xunta de Galiza, o cal non cumpre con algúns dos criterios acordados na Conferencia Estatal de Educación, nomeadamente a distancia de 1,5 m entre alumnado”. Os nacionalistas recordaron que defenden “un inicio do curso escolar presencial e seguro, cos investimentos precisos que garantan a máxima seguridade da poboación escolar”.

Os deputados puxéronse a disposición das asociacións educativas da Barbanza para acoller “calquera cuestión que queiran trasladar ao Parlamento”.

Pola súa parte, as ANPAs trasladáronlles a preocupación que lles crea o protocolo da Xunta e o inminente inicio do curso escolar, amais de laiarse pola “falta de diálogo” co Goberno galego a respecto destas cuestións. Tamén lamentaron que a Consellaría de Educación “trasladase a responsabilidade a concellos, direccións e ANPAS”.

Outros artigos

Rosana Pérez reclama máis solo industrial na comarca do Barbanza

A deputada do BNG Rosana Pérez vén reclamar no Parlamento máis superficie industrial para O Barbanza, ao tempo que lembrou a “escaseza clamorosa” de solo empresarial en Barbanza Arousa, onde os catro parques empresariais existentes (Ribeira, A Pobra, Boiro e Rianxo)...

+

Publicidade

Revista en papel

Opinión