Un incendio deixa danos nunha casa en Dodro

12 Agosto 2020

Un incendio declarado esta tarde nunha casa en Dodro provocou severos danos na vivenda, sen que ningunha persoa resultase ferida.

Segundo os datos facilitados ao 112 Galicia, as lapas calcinaron as estancias do primeiro e do segundo andar e afectaron ao tellado da casa, que colapsou. Por outra banda, na planta baixa, os servizos de emerxencia conseguiron evitar que o lume afectase a dúas habitacións, a unha adega e a unha cociña.

Os feitos sucederon no lugar de Bexo, na parroquia de San Xoán de Laíño, ao fío das 14:40 horas. Nese momento, unha persoa particular contactou co 112 Galicia para dar conta do incendio.

A partir de aí, os xestores do CIAE 112 Galicia pasaron o aviso aos Bombeiros de Boiro e Ribeira, ao GES de Padrón e á Garda Civil.

As labores de extinción do lume e os traballos de balizado da vivenda finalizaron, segundo puido saber o 112 Galicia, preto das 17:15 horas.

Esta tarde o equipo de garda foi mobilizado polo 112 por un incendio urbano no concello de Dodro. Xunto con Bombeiros Boiro, Bombeiros Ribeira e Garda Civil.

Outros artigos

Dodro mira ao seu pasado na mostra “Escenas da memoria”

O Concello de Dodro segue nesta segunda metade de maio celebrando as Letras Galegas e este martes 21 inaugurou a primeira hora unha exposición que o equipo da Área de Cultura cualifica de "moi nosa". Trátase da mostra fotográfica Escenas da memoria de Dodro que reúne...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...