Ondiñas Mainas comparte a revolución artística rianxeira nunha nova entrega de Arte-Sanía

17 Agosto 2020

Este 21 de agosto vaise inaugurar en Rianxo, no Centro Sociocultural-Auditorio, a nova edición (a terceira) da mostra Arte-Sanía que organiza bianualmente a Asociación Ondiñas Mainas, colectivo local centrado na dinamización sociocultural e na reivindicación dos traballos tradicionais populares e na súa dignificación.

A nova entrega de Arte-Sanía, que terá as portas abertas até o 18 de setembro, será unha xanela directa ás máis recentes creacións da longa listaxe de artistas e artesáns rianxeiros actuais. Artistas e socios de Ondiñas Maínas como por exemplo Lara Torres, Nove Noel ou Fran Farrapos, aos que cómpre engadir a presenza de Luís Batalla, pintor e docente das clases de pintura organizadas pola asociación e interrompidas o pasado mes de marzo por mor da declaración do Estado de Alarma (e que Ondiñas Mainas agarda retomar en canto se normalice a situación sanitaria e se poidan achegar as máximas condicións de seguridade para o alumnado).

Por formatos, a exposición aglutinará pezas de pintura, láminas, artesanía, cartón-pluma, cartón-pedra, punto, madeira ou, tamén, obras en cemento. A intención da entidade rianxeira é seguir salientando e visualizando, tamén, a arte efémera realizada polas veciñas e veciños.

Outros artigos

Este xoves arrinca a décima edición do Rexenera Fest

O certame Rexenera Fest 2024, o gran festival da arte pública de Galicia que chega á súa décima edición, celébrase en Carballo do 30 de maio ao 9 de xuño. Organizado polo departamento de Promoción Económica e Turismo do Concello carballés, volverá contar co apoio da...

+

Publicidade

Revista en papel

Opinión

“Cando existen intereses contrapostos na pesca”. Antón Luaces

“Cando existen intereses contrapostos na pesca”. Antón Luaces

Dicirmos que hai diverxencia entre o sector pesqueiro e os gobernos (autonómico e/ou central) non é descubrir, arestora, o Atlántico. Resulta tan evidente ese desencontro, que só a desunión permanente no eido da pesca marítima explica que o sector, en Galicia e as...