O Concello de Rianxo confirmou esta semana o inicio dos traballos dirixidos a ampliar a rede municipal de abastecemento de auga entre Corques e Outeiro, na parroquia de Taragoña.
A actuación, que conta cun orzamento 90.713,70€, permitirá dar servizo ás vivendas existentes na zona norte da AC-305 ao seu paso por Outeiro. Ademais, renovarase completamente o firme da vía que comunica Outeiro con Corques.
O proxecto inclúe a reposición da beirarrúa e a rexeneración completa de todas as vías municipais que se vexan afectadas.
