As concellerías de Cultura e Xuventude do Concello de Boiro organizan, no mes de setembro, un festival de arte urbana con actividades moi diversas
para maiores de 10 anos.
A primeira das actividades que se vai realizar é unha masterclass de creación de música urbana, indicada para idades comprendidas entre os 12 e os 30 anos. Vai ser a vindeira semana, os días 3 e 4 de setembro con dous
grupos reducidos, un en horario de 10.00 a 12.00 horas e outro de 12.00 a
14.00 horas. Esta actividade vaise realizar na Aula CeMIT do Centro Social de Boiro.
O sábado día 5 de setembro vanse celebrar uns obradoiros de rap e graffiti na praza de A Boqueira de A Negral, na contorna das pistas de skate.
Os obradoiros van ser ás 18.00 horas. No mesmo espazo, pero o día 11 de
setembro, vanse realizar uns obradoiros de parkour e breakdance. Serán
tamén ás 18.00 horas.
Ese mesmo venres día 11, ás 20.00 horas, vaise realizar un encontro con Sabela Ramil de Operación Triunfo. E, o venres día 18 ás 18.00 horas na praza de A Boqueira de A Negral, vanse realizar uns obradoiros de DJ e
freestyle footbal. Para concluír a programación, o sábado 26 de setembro,
durante todo o día, vaise realizar unha actividade de Escape Room.
As actividades son gratuítas pero as prazas das mesmas son limitadas,
polo que se require inscrición previa para as actividades no enderezo
electrónico educacion@boiro.gal . Debese indicar o nome da persoa
participante, a idade, un teléfono de contacto e a actividade na que se quere
inscribir.
Barbanza Arousa participará en FITUR coa presentación da campaña “Siempre querremos volver”
A Mancomunidade Barbanza Arousa participará na próxima edición de FITUR 2025 (do 22 ao 26 de xaneiro), o evento máis importante do sector turístico de cantos se celebran en España, cunha presentación no stand de Turismo de Galicia o xoves día 23 ás 18:00 horas....
