124 novos positivos elevan a 1.282 os casos de Galicia. Santiago-Barbanza sube en 9 casos e chega a 55. Falece unha muller na Coruña e son 625 os mortos

A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.282, deles 778 son da área da Coruña, 110 da de Lugo, 94 da de Ourense, 60 da de Pontevedra, 134 da área de Vigo, 55 da de Santiago, e 51 da de Ferrol. 
Do total de pacientes positivos, 3 permanecen en UCI, 48 en unidades de hospitalización e 1.231 no domicilio.

Polo de agora, en Galicia hai un total de 11.587 persoas curadas, rexistrándose 625 falecementos. A última persoa falecida foi unha muller de 86 anos que estaba ingresada no CHUAC e presentaba patoloxías previas.  O número de PCR realizadas é de 280.185.