Xosé Luís Rivas enxalzou o empuxe emprendedor e sustentábel do Parque de Espiñeira

09 Xullo 2020

O candidato pola Coruña do BNG, Xosé Luís Rivas, visitou este mércores 8 de xullo o Parque Empresarial de Espiñeira, en Boiro, onde se comprometeu a apoiar o emprendemento e a produción industrial no caso de que o Bloque consiga chegar á Presidencia do Goberno autonómico nesta eleccións do 12 de xullo. Rivas estivo acompañado da portavoz municipal en Boiro, Raquel Suárez e o candidato, Xosé Deira.

Na súa estadía no polígono boirense mantiveron un encontro cos representantes da directiva do parque que lles trasladaron as súas demandas. Rivas certificou a súa intención de apoiar o sector produtivo dende múltiples frontes, apostando tamén pola sustentabilidade e pola posta en marcha de viveiros de empresas diversas, competitivas e “que non colidan co medio ambiente”.

O candidato nacionalista percorreu, entre outras, as instalacións da empresa Rotogal de deseño e fabricación de contedores isotérmicos e palés baixo a técnica do rotomoldeo. A empresa, que dá traballo a 200 persoas e exporta produtos a diferentes lugares de Europa e América, mostrou ante a comitiva do BNG os seus avances en fabricación de maias de algodón para a froita utilizando como materia prima a viscosa, de orixe vexetal, biodegradábel e posterior compostaxe.

Rivas reafirmou o compromiso da agrupación nacionalista co impulso industrial e considerou que o Parque de Espiñeira é “un exemplo da creación de empresas con produción diversificada e compromiso co emprego”. O candidato trasladou aos directivos do parque a súa intención de continuar cos encontros co fin de buscar alternativas aos diferentes problemas derivados da actividade empresarial así como aumentar as axudas ao emprendemento e a produción de elementos que respecten o medio ambiente.

Outros artigos

Ribeira celebrou unha multitudinaria misa en honra de Santa Uxía

A veciñanza da cidade correspondeu coa súa multitudinaria presenza na misa na honra da Santa Uxía que ás 12 do mediodía de hoxe ocupou por completo o adro da igrexa e a praza da Porta do Sol nun recinto disposto con cadeiras para cumprir coa normativa anticovid. A...

+

Publicidade

Revista en papel

Opinión

“Sete anos non son nada?”. Antón Luaces

“Sete anos non son nada?”. Antón Luaces

Na mencida do 24 de abril de 2017, tres mariñeiros de Poio perderon a vida nun accidente protagonizado pola embarcación de baixura Nuevo Marco. Foi na ría de Pontevedra, e sete anos máis tarde -coma se ocorrese onte- a Xunta informa que comeza a adopción de medidas...

“Hay jueces que hacen política”. Manuel Velo

“Hay jueces que hacen política”. Manuel Velo

Hay jueces y líderes del PP que al unísono acusan al legislativo y al gobierno de que no respetan la separación de poderes cuando ellos son los primeros en no hacerlo. La separación de poderes exige lo siguiente. El poder emana de la soberanía del pueblo eligiendo al...