O PP de Ribeira espera recuperala maioría local tralos resultados do pasado domingo

16 Xullo 2020

A sede local do Partido Popular en Riveira acolleu unha reunión de balance das últimas eleccións autonómicas celebradas o pasado domingo.
Ante unha trintena de persoas entre interventores, apoderados, afiliados e
simpatizantes (todos eles, coas pertinentes medidas preventivas contra o covid), Manolo Ruiz realizou unha análise dos resultados obtidos, nos que o PP superou unha vez máis o 50% do total dos votos, e manifestou que os datos dan esperanzas á formación no reto de recuperar a maioría absoluta nos comicios locais do 2023.
Neste sentido, o mandatario animou aos presentes a traballar dende xa para acadar este obxectivo, no que será fundamental diminuír a elevada abstención rexistrada (50,71%), que só foi superada por outros tres municipios (Cervantes, Arteixo e Narón).
Ruiz Rivas alabou o liderato demostrado unha vez máis por Alberto Núñez
Feijóo e incidiu na desconexión de Pedro Sánchez e Pablo Iglesias cos
verdadeiros problemas que preocupan aos galegos. “Somos o partido que máis se parece a Galicia”, declarou.

Xuntanza do Pp de Ribeira

Outros artigos

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión