Tarabela Creativa reivindicou no Lavadoiro de Bao (Boiro) o oficio das costureiras

15 Xullo 2020

Un Lavadoiro de Bao acondicionado para acoller a distancia social e garantir a máxima seguridade sanitaria acolleu este martes 14 de xullo o espectáculo Costureiras de Tarabela Creativa, iniciativa inserida no programa Verán Cultural 2020, impulsado pola Concellería de Cultura de Boiro. Costureiras, o primeiro dos espectáculos de narración oral que se realiza no Lavadoiro de Bao, veu da man das actrices Ángeles Goás e Caxoto e é un diálogo a dúas bandas, de case unha hora e media de duración, que narra como era a vida das costureiras.

O espectáculo foi unha boa ocasión para rir e, tamén, para reflexionar na importancia de conservar viva a voz das mulleres que mantiveron activos e vixentes os oficios tradicionais que, á súa vez, fóronlles legados polas súas nais, tías e avoas, adobiados e ilustrados con contos e historias que pasan de xeración en xeración, historias que as avoas contaban ás netas mentres cosían e que en Boiro, na cita con Tarabela Creativa, foron recreadas ao detalle.

Co programa do que formou parte este espectáculo, o Concello de Boiro busca fomentar a cultura no municipio tras a crise da COVID-19 con espectáculos en pequeno formato e aforamento reducido, mantendo as medidas de seguridade esixidas: espectáculos para todos os públicos e que está previsto que se desenvolvan, ao longo do verán, en distintos escenarios do municipio.

Outros artigos

Publicidade

Revista en papel

Opinión

“Auditorio” – José Manuel Pena

“Auditorio” – José Manuel Pena

Xa é unha grata realidade, o novo auditorio. Ribeira, necesitaba un auditorio en condicións e adecuado ao seu número de habitantes e da importante poboación da propia comarca do Barbanza. Este pasado sábado chegouse a inaugurar oficialmente, coa presenza de diferentes...