A agrupación cidadá Rianxo en Común puxo en marcha un novo servizo tecnolóxico para apoiar ao establecementos rianxeiros fronte ás consecuencias da pandemia do coronavirus. Trátase da activación dunha ferramenta de balde de dixitalización de cartas a través de códigos QR, “co obxectivo de que os locais de hostalería rianxeiros poidan adaptarse á normativa contra a COVID que prohibe o uso de cartas individuais de prezos”, explicou a plataforma que coordina Julián Bustelo, engadindo que o servizo asentarase sobre a páxina web impulsada por Rianxo en Común hai uns meses.
Nela mostrarase a listaxe de prezos así como outra información de interese sobre cada un dos diferentes locais. A cada un dos establecementos adheridos daráselle o código impreso para que o poida colocar no establecemento segundo considere.
A iniciativa inclúese dentro dunha liña de traballo que Rianxo en Común vén desenvolvendo nós últimos meses orientada a “asesorar e apoiar ao tecido comercial e empresarial do municipio”.