Este, está sendo un ano cheo de aprendizaxes e situacións novas ás que nos temos que adaptar. Pero en Amicos están acostumados a ter que ir superando pequenos e grandes retos. Nos centros de atención diurna, tiveron que cesar a actividade por mor da declaración do estado de alarma tras a aparición do covid-19 nas nosas vidas. Nestes meses tiveron tempo para estar coa familia, descansar, ler, ver a tele…pero votaban de menos o traballo, aos amigos e amigas, saír a tomar algo…
A través da tecnoloxía puderon seguir en contacto cos amigos e amigas que viven no centro residencial, e saber que tal se atopaban. Tamén os técnicos da entidade estiveron en contacto coas familias para aportar actividades e novas ideas para facer cousiñas na casa. As cousas foron mellorando e con estos avances os profesionais cos que traballn puideron vir ás casas e disfrutar de novo da súa compañía e facer cousas diferentes.
Estamos xa no mes de xullo, e aínda que as cousas parecen que volven á normalidade, non é así para todo o mundo. Por fin os centros de atención diurna poden dar atención!!! Pero non igual que antes. Temos que usar mascarilla, lavar as mans a muído, gardar dintancia social e saudarnos co
cóvado!
Son moitas novidades pero en AMICOS están encantados de poder estar de volta.
Esta semana os centros de atención diurna (centro de día e centro ocupacional Amicos) comezaron a súa actividade a un 50% da súa capacidade, segundo marcan os protocolos da Xunta de Galicia. A medida que se avance e non teñamos incidencias co covid-19 podrán ampliar a actividade ao 75% no mes de agosto e chegar ao 100% no mes de setembro.
