CRTVG prepara un novo programa musical no que se dará voz a cantantes afeccionadas/os de todos os recantos de Galicia, o programa Cantas ou que?, e a nosa comarca non vai ser unha excepción nesta busca de novos talentos. Segundo informa a produtora, Voz Audiovisual, Barbanza será, de feito, a primeira parada da xira. Quen queira concursar deberá enviar a súa solicitude antes do 13 de xullo, á seguinte conta de correo: ana.fontan@vozaudiovisual.com.
Como dixemos, Cantas ou que? é un programa de karaoke para a TVG que se vai gravar en distintas zonas de Galicia durante todo o verán. “Sabemos de boa tinta que no Barbanza contades con bos e boas profesionais da canción, e sobre todo con xente con gañas de pasalo ben, por iso gustaríanos contar con eles e elas para para a convocatoria de casting”, explican dende Voz, engadindo que para participar só temos que enviar un breve vídeo interpretando unha canción e incluíndo unha pequena introdución (quen somos, por que nos gusta cantar, de onde somos, etc).
