Salvamento Marítimo prevé intensificar este mércores a procura de dous mozos desaparecidos o pasado luns 6 de xullo pola tarde na zona de Porto do Son. Fontes de Salvamento Marítimo indicaron que prosegue a emisión de avisos aos navegantes da zona para que alerten se realizan algún avistamento, avisos que se intensificaron tras suspender hai uns días o rastrxo da zona.
Este mércores e xoves Salvamento Marítimo ten previsto intensificar a procura cando se cumprirán nove días desde o sinistro.
Lembrar que tal como vimos informando en O Barbanza o accidente tivo lugar na praia de Coira, na localidade de Portosín o pasado luns 6 de xullo pola tarde cando tres amigos, dous mozos e unha moza, facían uso da embarcación. Sobre as 21,30 horas do 6 de xullo un particular comunicou ao 112 Galicia desde a Praia de Coira, en Portosín, que facía tres horas que tres novos saíran a navegar e non volveran. Tras coñecer os feitos, Salvamento Marítimo mobilizou un dispositivo de procura con medios marítimos e aéreos, ademais de terrestres e subacuáticos. A rapaza sería rescatada nuns riscos mentres que os rapaces de apenas vinte anos siguen sin aparecer.