O incendio forestal que permanecía activo desde a tarde do sábado en Porto do Son quedou extinguido na mañá deste luns tras queimar 19,35 hectáreas. Tal e como informa a Consellería do Medio Rural o lume de Porto do Son que afectou á parroquia de San Pedro de Muro, calcinou 19,35 hectáreas, 3 de arbolado e o resto monte raso, de acordo coas últimas estimacións realizadas por GPS.
Traballaron na súa extinción polo menos oito axentes, 21 brigadas, 13 motobombas, dúas pas, catro avións e catro helicópteros. Nestes labores tamén colaborou o Ministerio para a Transición Ecolóxica a través de dous avións anfibios das bases de Matacán (Salamanca) e Lavacolla.
