O Concello de Ribeira informa de que, concluído o período de presentación de propostas, un total de 16 ofertas foron presentadas á actuación na pavimentación e reordenación do parque infantil do colexio de Artes.
Cun orzamento de 32.834 euros e un prazo de execución de dous meses, a intervención persegue ampliar a zona de xogos coa colocación dun rocódromo e dous muelles que se suman aos cinco xogos xa existentes, que se disporán sobre un novo pavimento de caucho continuo rodeado de herba artificial ata completar dunha área de actuación de 300 metros cadrados.
Ademais, será instalada unha liña de pluviais para evitar encharcamentos, formada por unha tubaxe de 75 metros de lonxitude, 3 pozos de rexistro e 4 arquetas.
O Ateneo de Ribeira a acolle este sábado a presentación de “Los orígenes de Valle-Inclán”, de Francisco Xavier Charlín
O Ateneo de Ribeira (Bar Plaza) vai acoller este sábado 20 de xuño ás 19.00 horas a presentación do libro Los orígenes de Valle-Inclán (Tierra, linaje y leyenda), de Francisco Xavier Charlín Pérez. O acto, de entrada libre, contará coa presenza do autor, que estará...
