O goberno local de Dodro reuniuse con veciños das aldesa de Revixós, Cancela Abrea, Susavila, A Igrexa e Vigo para abordar o proceso de concentración parcelaria de monte, que está parado na Xunta. O alcalde, Xabier Castro, dixo non saber da sitaución desde a última resolución da Consellería do Medio Rural de outubro do ano pasado, que deixou sen efecto outra da Dirección Xeral de Desenvolvemento Rural de maio de 2019, na que excluía do proceso de concentración parcelaria de montes a dúas parroquias parcelas situadas no polígono 27 das bases definitivas, por tratarse de terreos de chan urbanizable industrial.
Medio Rural atendía así as alegacións de varios dos propietarios de terreo afectados, entre eles a Comunidade de Montes Balouta e Fontecova, que presentaron en maio un recurso de alzada contra esa resolución. Estas alegaron que os terreos non eran chan industrial, senón rústico especialmente protexido porque en maio non entrara en vigor a modificación do PXOM, aprobada en pleno polo PP, que as recalificó como chan industrial.
