Chega o programa de coworking Emprende Lab Barbanza, da man do Concello de Boiro, a ABE e a Deputación

02 Xullo 2020

O Concello de Boiro, xunto coa Asociación Boirense de Empresarios, e co financiamento da Deputación Provincial da Coruña, van poñer en marcha un programa para dar impulso ao tecido produtivo da nosa comarca poñendo o foco nas novas iniciativas que combatan, con emprego e innovación, as consecuencias da COVID. Trátase da iniciativa de traballo colaborativo (coworking) Formación – Aceleración Emprende Lab Barbanza. A presentación do proxecto fíxose este dous de xullo, no Consistorio de Boiro, coa presenza do concelleiro de Comercio, Marcos Fajardo, o xerente da ABE, Tomás Estévez e a orientadora laboral do Concello, Belén Ordóñez. Tamén se deu a coñecer a web do centro de coworking, www.labbarbanza.gal.

Segundo sinalaron, o obxectivo deste programa é “fortalecer o actual ecosistema emprendedor da comarca do Barbanza, favorecendo o establecemento e permanencia en Boiro de novas empresas baseadas no talento, innovación e o rápido crecemento”. A aceleradora Lab Barbanza vai acoller 20 proxectos de carácter intersectorial na fase inicial de formación e asesoramento, dos cales 10 pasarán á fase de aceleración.

Os proxectos que entren a formar parte do programa, con independencia do seu grao de maduración, “terán carácter innovador e suficiente viabilidade técnica e económica”, explicaron o Concello, a ABE e a Deputación, engadindo que os participantes, grazas a esta iniciativa, terán acceso a obradoiros de formación de carácter teórico práctico, cada un deles deseñado para capacitar ás persoas participantes de xeito intensivo, inspirándose na metodoloxía boot-camp, identificando as dificultades, propoñendo estratexias para superalas e aportando ferramentas concretas para poñelas en práctica.

Ademais terán á súa disposición sesións de mentoring individuais nas que se combinarán coñecementos e ferramentas adquiridos nos obradoiros formativos, para aliñar e co-relacionar as competencias dos participantes.

As inscricións para o programa son totalmente gratuítas e as bases e toda a información están na páxina web do Lab.

Outros artigos

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....