Un incendio declarado nun turismo que circulaba pola AG-11 á altura de Dodro calcinou por completo o vehículo, sen que se rexistrasen danos persoais.
Para asegurar as condicións de seguridade na autovía do Barbanza foi necesario cortar un carril ao tráfico, concretamente entre os puntos quilométricos 2,200 e 2,700, en sentido Ribeira.
Unha persoa particular contactou co 112 Galicia para alertar dos feitos ao fío das 16:45 horas. Axiña, desde o CIAE 112 Galicia solicitouse a intervención dos Bombeiros de Boiro, do GES de Padrón, dos axentes da Garda Civil e do servizo de mantemento da vía.
