A fiscalia pedirá este martes 19 e 21 anos de prisión para dous homes que atracaron unha gasolineira en Oleiros (Ribeira) e dispararon a un empregado

06 Xullo 2020

O suceso aconteceu o ano pasado cando o empregado da gasolineira Agro do Forno, situada en Ribeira, resultou ferido de gravidade ao ser alcanzado por un disparo nun atraco. Segundo informaron fontes da investigación, dous homes encapuchados, que chegaron ao lugar en moto, dispararon cun arma de fogo ao home. Os atracadores entraron na tenda e fixéronse coa caixa e diferentes obxectos. 

Primeiro apropiáronse dunha moto nun garaxe e logo utilizárona para desprazarse ata a zona de Oleiros e atracar a gasolineira, na que dispararon cunha escopeta ao empregado de 22 anos, para logo roubarlle, levar a caixa rexistradora e deixalo alí tirado.

O roubo aconteceu en xaneiro do ano pasado e o fiscal considera aos dous acusados, un veciño da Pobra de 29 anos de idade, e outro de Ribeira, de 31 anos, autores de senllos delitos de roubo, un de lesións e outro de tenencia ilícita de arma longa, aos que se engade para o segundo imputado outro máis porque se atopou na súa vivenda unha pistola para a que non tiña licenza. Por este pide 21 anos de prisión, mentres que baixa a 19 a pena para o seu compañeiro.

O xuizo terá lugar este martes na Audiencia Provincial onde comparecerán polos feitos ocorridos o 17 e o 19 de xaneiro do 2019.

O traballador tivo que ser operado en catro ocasions e ten importantes secuelas permanecendo de baixa. O fiscal solicita para os dous acusados que indemnicen o empregado con 28.400 euros, ademáis de facerse cargo da factura hospitalaria. Tamén deberán ingresar á compañía aseguradora da estación de servizo os 1.052 euros substraídos da caixa.

Estación de servicio Agro do Forno en Oleiros (Ribeira)

Outros artigos

Publicidade

Revista en papel

Opinión

“Cuando el payaso llora” – Manuel Domínguez

“Cuando el payaso llora” – Manuel Domínguez

Cuando el Payaso llora. A punto de salir a pista, tras las cortinas, los últimos minutos, la tele habla de los niños asesinados en Gaza, el bombardeo cruento del Hospital en Ucrania, tanta muerte inocente. Al payaso le cae una lagrima, recorre su mejilla dejando...

“Igualdade e dignidade”. Luís Celeiro

“Igualdade e dignidade”. Luís Celeiro

A moitos dos que andan polas alturas da función ou da acción política gústalles falar dorespecto á vontade popular, á que a mesma Constitución de 1978 alude no seu Preámbulo,cando fala de “consolidar un Estado de Dereito que asegure o imperio da lei como expresiónda...