Co fin de compensar a ausencia dun programa cultural e festivo normalizado nos nosos concellos e garantirnos, a través das redes, o acceso á boa música, a Escola de Música de Rianxo organizou estes días un Festival de Verán a través da súa canle propia en Youtube, onde xa se avanzan datos das primeiras actividades. O certame comeza este 1 de xullo, ás 12.30 horas, cunha sesión a cargo da aula de frauta. O festival conta coa colaboración da Área de Cultura de Rianxo.
As actividades encherán a primeira metade de xullo de sesións musicais, todas elas programadas á mesma hora (ás 12.30 horas). Este xoves será a quenda da aula de oboe e o venres da de clarinete. O sábado será protagonista a de saxofón e o domingo a de trompeta. A vindeira semana comeza (o luns) coa de trompa e o martes coa de trombón.
