As altas presións entrarán o luns en forma de cuña sobre Galicia, traendo estabilidade e achegando aire cálido desde o sur.
Deste xeito amenceremos con nubes baixas e néboas para irse retirando e deixar a partir do mediodía os ceos pouco anubrados ou despexados en xeral. As temperaturas mínimas non terán cambios significativos, pero as máximas ascenderán entre lixeira e moderadamente, recuperando valores propios da época do ano, chegaremos ós 26-28 graos. Os ventos soprarán frouxos de compoñente norte, con intervalos de moderado no litoral pola tarde. O martes seguiremos con calor e ceo despexado.
