Un veciño de Rianxo ingresado no CHUS tras ser atacado por velutinas

O home do lugar do Rial na parroquia rianxeira de Leiro dispoñíase a limpar o tellado dun galpón cando as avespas que se atopaban nun niño foron a por el deixándolle ata 25 picaduras na cabeza.

Unha ambulancia desprazouse á zona para atender ao ferido, que foi trasladado ao hospital de Santiago. O home ía consciente e orientado e o seu estado non revestía gravidade, si ben quedou en observación porque o veleno pode facer efecto ata varias horas despois e non se sabia si o home podia ser alerxico ás picaduras.